NG Gemeente Rietfontein-Suid
Ons Gee Om
Erediens
Erediens:
9:00
Informele Erediens:
18:00 (geen diens tydens skoolvakansie en langnaweke)
Adres:
h/v Ben Swart Straat en 16de Laan, Rietfontein
Kontak Ons
Maandag - Vrydag:
8:00 - 13:00
Tel. Nommer: 012 331 3531
Faks Nommer: 012 331 0389
Adres:
16de Laan 615, Rietfontein
E-pos:
Gemeente Visie
deur Christus-liefde gee ons
vir almal om:
ons gee om vir mekaar;
ons gee om vir nog-nie-gelowiges;
ons gee om vir noodlydendes.
Nuut Op Die Werf
Die Koffiepot
Hervorming 500
Gemeente Standpunt
Dankoffer Inbetalings
ABSA Bank
Rekeninghouer:
NG Gemeente Rietfontein-Suid
Tak: Ben Swartstraat
Tak Kode: 334 645
Rekening: 090 197 797
Verwysing:
Voorletters, Van en Wyk Nommer
Ondersteuning
Vir geestelike en emosionele ondersteuning, skakel die leraars. Skakel ook in by 'n omgeegroep.
Doopkategese
Voodat doopkategese kan plaasvind moet u die vorige Maandag (week voor doopkategese) registreer by die kerkkantoor.
Bring asseblief u huweliksertifikaat en geboortesertifikaat saam wat u weer kan terugneem.
Die vorms en kopie van die dokumente moet asseblief die Dinsdag (week voor doopkategese) terug by die kantoor wees.
Onthou dat u attestate by ons gemeente moet wees om u kind ten doop te bring.
Sien ons Gemeente Kalender vir doopkategese datums.
Vir verdere navrae, sien Kontak Ons.
Nuwe Lidmate
Ons is opgewonde om nuwe lidmate, vriende en besoekers te verwelkom met die liefde van Jesus Christus. Neem asseblief kennis dat Ds Petro Jonker en die Geestelike leiers jou graag wil ontmoet, leer ken en besoek. Ten einde dit moontlik te maak, moedig ons jou vriendelik aan om asseblief kontak te maak met ons. Dit is noodsaaklik dat jy jouself aanmeld, want dit gee ons die vrymoedigheid om jou te kan kontak en besoek. Jy is baie welkom by ons!
Vir verdere navrae, sien Kontak Ons
CD's en DVD's
CD's en DVD's van elke Sondag se eredienste en dope is beskikbaar en kan bestel word by die MI-Toonbank na afloop van die erediens.
Gebedsfokus op herlewing
Jesaja 58
Maak tyd en lees biddend deur Jesaja 58. Skryf die dinge in hierdie gedeelte neer wat God haat of nie van hou nie. Skryf dan die opdragte neer wat Hy vir ons gee. Lees dit weer en skryf al die beloftes neer wat Hy aan sy kinders gee. Vra vir die Here of daar enigiets is wat jy moet bely of waarby jy betrokke moet raak om dinge reg te stel wat betref maatskaplike ongeregtigheid wat lyding veroorsaak vir die armes en behoeftiges. Versuim deur die kerk en die regering om hierdie situasie te probeer oplos, bring God se oordeel oor 'n nasie, sy leiers, die kerk en die mense.
Gebedsfokus op herlewing
Wanneer herlewing kom verander alles
Dit is nie meer nodig om mense te probeer oorreed om na 'n gebedsbyeenkoms te kom nie. Mense bely hul sondes openlik, getuig dat Jesus hulle vry en nuut gemaak het en hardloop dan die Christelike wedloop met blydskap in hul harte. Roep tot die Here dat Hy ons in hierdie geslag met herlewing sal begenadig.
Gebed maak ons nie gereed vir die groter werk nie, gebed is die groter werk
1 tot 31 Augustus 2011
Hierdie is 'n oproep tot gebed vir die Moslems gedurende hul maand Ramadaan. As gelowige stem ons nie saam met Islamitiese teologieë en idees nie, maar ons bid dat hulle Jesus as die Seun van God sal herken en erken.
Proklameer oor alle Moslems: Jesus is die Weg, die Waarheid en die Lewe, niemand kom tot die Vader behalwe deur Jesus Christus nie.
Johannes 14: 6 - "Jesus antwoord hom: Ek is die weg en die waarheid en die lewe; niemand kom na die Vader behalwe deur My nie."
Christen vervolging in Libië
Libië
Libië is onderhewig aan die Islamitiese wetgewing.
Alle landsburgers word "beskou" as Soenni-Moslems, en bekering tot 'n ander geloof het sosiale druk tot gevolg.
Daar bestaan wel klein Christengemeenskappe, maar hul bestaan hoofsaaklik uit nomades van die sub-Sahara en werkers vanuit Westerse lande.
Die wye netwerk van die geheime polisie maak dit vir kerke moeilik om aktiwiteite te organiseer.
Gebedspunte
Bid dat God se vrede oor Libië sal regeer, ten spyte van die voordurende onluste, en dat Hy Sy kinders sal toerus om sterk te staan in hul geloof om sy Koninkryk te laat groei.
Inligting met toestemming verkry van Geopende Deure soos op 1 Mei 2011.
Gebed
Gebedsversoeke
Het jy gebed nodig? Maak nie saak hoe groot of klein jou gebedsversoek is nie, ons sal saam met jou bid vir deurbraak, genesing, krag, veerkragtigheid, leiding, wysheid of enige ander versoek wat jy mag nodig hê. Laat weet ons gerus! Enige versoeke kan vir die kerkkantoor deurgestuur word.
Plaas versoeke met 'n kontak nommer (sodat ons u beter kan ondersteun) in die gemerkte kassies by die hoofdeure in die kerk.
Bid dat ons aanlyn/virtuele eredienste egte ontmoetings met die lewende God sal wees, al is dit onder vreemde en soms moeilike omstandighede.
Vrydagoggende 5:30-6:00
Kom bid saam in die Gebedskamer. Almal welkom!
Gebedskring
Elke Sondag om 17:00 in die Gebedskamer. Almal welkom!
Gemeente Biduur
Dinsdagoggende 11:15 in die konsistorie. Almal welkom! (Nie in die skoolvakansie nie)
Kleuter en Junior Kategese
2023
Skool Kwartale (Gauteng)
1ste Kwartaal: 11 Jan tot 24 Mrt
2de Kwartaal: 12 Apr tot 23 Jun
3de Kwartaal: 18 Jul tot 29 Sep
4de Kwartaal: 10 Okt tot 13 Des
Sondag Program
08:30: Aktiwiteite Begin
09:00: Opening en Verwelkoming; Sang
09:15: Mini Diens; Sang
09:30: Klas
10:15: Kinders gaan huis toe
Voel jy geroepe om by ons Kinders betrokke te wees?
Navrae:
Sien Kontak Ons
Jeug
Barmhartigheid
Ons probeer steeds lidmate help wat dit nodig het. Enige donasies van nie-bederfbare voedsel, toiletware of 'n koevert met fondse kan by die Kerkkantoor afgegee word.
Siekes, Sterftes en Begrafnisse
Gee asseblief álle siekes, hospitaal/tuis, sterftes en begrafnisse per whatsapp/sms deur na die Kerkkantoor, Vir verdere navrae, sien Kontak Ons