NG Gemeente Rietfontein-Suid
Ons Gee Om
Erediens
Erediens:
9:00
Informele Erediens:
18:00 (geen diens tydens skoolvakansie en langnaweke)
Adres:
h/v Ben Swart Straat en 16de Laan, Rietfontein
Kontak Ons
Maandag - Vrydag:
8:00 - 13:00
Tel. Nommer: 012 331 3531
Faks Nommer: 012 331 0389
Adres:
16de Laan 615, Rietfontein
E-pos:
Gemeente Visie
deur Christus-liefde gee ons
vir almal om:
ons gee om vir mekaar;
ons gee om vir nog-nie-gelowiges;
ons gee om vir noodlydendes.
Nuut Op Die Werf
Die Koffiepot
Hervorming 500
Gemeente Standpunt
Dankoffer Inbetalings
ABSA Bank
Rekeninghouer:
NG Gemeente Rietfontein-Suid
Tak: Ben Swartstraat
Tak Kode: 334 645
Rekening: 090 197 797
Verwysing:
Voorletters, Van en Wyk Nommer
Ondersteuning
Vir geestelike en emosionele ondersteuning, skakel die leraars. Skakel ook in by 'n omgeegroep.
Doopkategese
Voodat doopkategese kan plaasvind moet u die vorige Maandag (week voor doopkategese) registreer by die kerkkantoor.
Bring asseblief u huweliksertifikaat en geboortesertifikaat saam wat u weer kan terugneem.
Die vorms en kopie van die dokumente moet asseblief die Dinsdag (week voor doopkategese) terug by die kantoor wees.
Onthou dat u attestate by ons gemeente moet wees om u kind ten doop te bring.
Sien ons Gemeente Kalender vir doopkategese datums.
Vir verdere navrae, sien Kontak Ons.
Nuwe Lidmate
Ons is opgewonde om nuwe lidmate, vriende en besoekers te verwelkom met die liefde van Jesus Christus. Neem asseblief kennis dat Ds Petro Jonker en die Geestelike leiers jou graag wil ontmoet, leer ken en besoek. Ten einde dit moontlik te maak, moedig ons jou vriendelik aan om asseblief kontak te maak met ons. Dit is noodsaaklik dat jy jouself aanmeld, want dit gee ons die vrymoedigheid om jou te kan kontak en besoek. Jy is baie welkom by ons!
Vir verdere navrae, sien Kontak Ons
CD's en DVD's
CD's en DVD's van elke Sondag se eredienste en dope is beskikbaar en kan bestel word by die MI-Toonbank na afloop van die erediens.
Die uur wat die wêreld verander - lofprysing
Lofprysing
Lofprysing is om God groot te maak, te verheerlik, aan Hom te sê dat jy weet tot Wie jy gebid het en dat jy Hom vertrou met jou gebede.
Matthéüs 6: 13 - "Aan U behoort die koninkryk en die krag en die heerlikheid tot in ewigheid. Amen."
Maak jou amen aan die einde sterk en bevestig daarmee dat jy glo dat God jou gehoor het en sal verhoor. Amen beteken: dit is waar en seker, dit sal so wees.
Dit is 'n finale geestelike daad om God op die troon van jou lewe te plaas.
Dit is waar jy bely: Aan U behoort die koninkryk en die mag en die heerlikheid tot in alle ewigheid. Amen.
Dick Eastman, in sy boek "The hour that changes the world", doen aan die hand dat 'n mens 'n uur in 12 periodes van 5 minute elk indeel. Na elke 5 minute gaan jy oor na 'n ander vorm van gebed. Bogenoemde volg Dick Eastman se indeling.
40 Dae - maak gereed
'n r12 Lewe
Maak gereed vir 'n asemrowende tyd van lewensverandering en geestelike groei!
Op 22 Julie begin ons weer met 'n "40 Dae" geleentheid van indiepte delf in Romeine 12.
Soos die vorige 40 Dae-geleenthede gaan daar weer drie aspekte wees, naamlik:
- Persoonlike dagstukkies (studieboek),
- Sondae-dienste, en
- 40 Dae-groepe met DVD sessies vir 7 weke.
Hou datums asseblief oop en bid saam vir 40 Dae.
Met Christus in die skool van gebed
Pinkster: Gebed en Herlewing
Jy word hartlik uitgenooi om te kom deel in die seën van Pinkster!
Dr Gerhard du Toit is prediker vanaf Kanada wat wêreldwyd optree oor die onderwerp van gebed en herlewing. Hy het 'n passie om kerke te sien wat vol mense is wat vol van die Here is!
Vanaf Sondagoggend 13 Mei tot Woensdag 16 Mei hanteer hy die Pinksterdienste by ons.
Die oggend Pinkster 21 Mei tot 25 Mei om 10:00 word gereël deur Ds. Dirk van Zyl.
Temas:
- Sondagoggend: Met Christus in die Skool van Gebed
- Sondagaand: God, die Inisiëerder van die Gebed
- Maandagaand: Christus die Leermeester in Gebed
- Dinsdagaand: Die Heilige Gees, die Voorbidder in Gebed
- Woensdagaand: 12 Aspekte van die Nuwe Testamentiese Gebed
Die uur wat die wêreld verander - luister
Luister
Luister is 'n periode waarin jy opdragte van God ontvang, waar jy Hom vra om vir jou dinge te wys wat Hy wil hê dat jy sal raaksien en aan aandag moet gee.
Prediker 5: 2 - "Moenie te gou praat nie, moenie oorhaastig 'n belofte aan God maak nie, want Hy is in die hemel en jy op die aarde. Laat jou woorde daarom min wees."
Dit is om na die innerlike stem van die Heilige Gees te luister.
Waar jy vra: Wat is daar wat U wil hê ek moet doen? Wat is U wil vir vandag?
Om leiding uit die Woord te soek.
Om God doelbewus te vra om Sy wil en strategieë of planne aan jou bekend te maak.
In wag op die Here gaan dit om God lief te hë. Tydens oordenking wil ons meer van God leer. In die periode van luister wil ons hoor wat God vir ons wil sê. In hierdie periode vra ek: "Here, wat verwag U van my, wat is U wil vir my?"
Jy kan ook vir die Here spesifieke vrae vra, miskien moeilike vrae waarop jy nie antwoorde het nie. Wees sensitief vir die Heilige Gees.
Wees versigtig om sommer vinnig te sê: "Die Here het dit en dat vir my gesê."
Dick Eastman, in sy boek "The hour that changes the world", doen aan die hand dat 'n mens 'n uur in 12 periodes van 5 minute elk indeel. Na elke 5 minute gaan jy oor na 'n ander vorm van gebed. Bogenoemde volg Dick Eastman se indeling.
Gebed
Gebedsversoeke
Het jy gebed nodig? Maak nie saak hoe groot of klein jou gebedsversoek is nie, ons sal saam met jou bid vir deurbraak, genesing, krag, veerkragtigheid, leiding, wysheid of enige ander versoek wat jy mag nodig hê. Laat weet ons gerus! Enige versoeke kan vir die kerkkantoor deurgestuur word.
Plaas versoeke met 'n kontak nommer (sodat ons u beter kan ondersteun) in die gemerkte kassies by die hoofdeure in die kerk.
Bid dat ons aanlyn/virtuele eredienste egte ontmoetings met die lewende God sal wees, al is dit onder vreemde en soms moeilike omstandighede.
Vrydagoggende 5:30-6:00
Kom bid saam in die Gebedskamer. Almal welkom!
Gebedskring
Elke Sondag om 17:00 in die Gebedskamer. Almal welkom!
Gemeente Biduur
Dinsdagoggende 11:15 in die konsistorie. Almal welkom! (Nie in die skoolvakansie nie)
Kleuter en Junior Kategese
2023
Skool Kwartale (Gauteng)
1ste Kwartaal: 11 Jan tot 24 Mrt
2de Kwartaal: 12 Apr tot 23 Jun
3de Kwartaal: 18 Jul tot 29 Sep
4de Kwartaal: 10 Okt tot 13 Des
Sondag Program
08:30: Aktiwiteite Begin
09:00: Opening en Verwelkoming; Sang
09:15: Mini Diens; Sang
09:30: Klas
10:15: Kinders gaan huis toe
Voel jy geroepe om by ons Kinders betrokke te wees?
Navrae:
Sien Kontak Ons
Jeug
Barmhartigheid
Ons probeer steeds lidmate help wat dit nodig het. Enige donasies van nie-bederfbare voedsel, toiletware of 'n koevert met fondse kan by die Kerkkantoor afgegee word.
Siekes, Sterftes en Begrafnisse
Gee asseblief álle siekes, hospitaal/tuis, sterftes en begrafnisse per whatsapp/sms deur na die Kerkkantoor, Vir verdere navrae, sien Kontak Ons